Mtungaji: 'ALIY 'UMAR 'UTHMAAN

Alama za wanafiki,                 ni tatu bora uzijue

Katu nae haaminiki,                japo ahadi azitoe

Pia na hasadikiki,          hatumizi maaganoe

Alama yake ya pili,                 mnafiki ni  mrongo

Maisha hana ukweli,               wala mizuri mipango

Yake usiyakubali,          atakukoroga bongo

Akiaminiwa hukhini,                mnafiki ni sifaze

Hachi na hana dini,                  hudhulume nduguze

Usimtie nyumbani,                  na sirizo simjuze