Skip navigation.
Home kabah

Mukhtasari Wa 'Aqiydah Swahiyh Ya Muislamu - 2

SUALI

JAWABU

DALILI KUTOKA QUR-AAN

DALILI KUTOKA HADIYTH

27- Nini hukumu ya mwenye kufanya uchawi?

Kufanya uchawi ni kukufuru

(ولكن الشياطين كفروا يعلمون الناس السحر) 

Bali mashaytwaan ndio waliokufuru, wakiwafundisha watu uchawi. (Al-Baqarah 102)

(إجتنبوا السبع الموبقات : الشرك بالله ، السحر ....)

Jiepusheni na mambo saba yaangamizayo; nayo ni, kumshirikisha Allaah, uchawi...

28- Je, Inafaa kuwaamini wanaopiga ramli na wachawi?  

Haifai kuwaamini na habari zao za 'ghayb' (mambo yaliyofichikana na ambayo mwenye elimu nayo ni  Allaah سبحانه وتعالى Pekee).

(قل لايعلم من في السموات والارض الغيب إلا الله)

Sema: Hapana katika mbingu na ardhi ajuaye ya ghayb isipokuwa Allaah. (An-Naml: 65)

(من أتى عرافا أو كاهنا فصدقه بما يقول فقد كفر بما أنزل على محمد)

Atakayekwenda  kwa mpiga ramli au mchawi  kisha akamuamini aliyoyasema basi kakufuru yaliyoteremshwa kwa Muhammad.

29- Je, Mtu anaweza kuyajua mambo ya 'ghayb'? (mambo yaliyofichikana ambayo ayajuaye ni Allaah سبحانه وتعالى Pekee)?

Hakuna awezaye kuyajua ya ghayb isipokuwa Mwenyewe Allaah سبحانه وتعالى.

(وعنده مفاتح الغيب لايعلمها إلا هو)

Na ziko kwake funguo za ghayu; hakuna azijuaye ila Yeye tu. (Al-An'aam: 59)

(لايعلم الغيب إلا الله)

Hakuna ajuaye mambo ya ghayb isipokuwa Allaah.

30- Waislamu wanapaswa wawe wanahukumu mambo yao kwa kufuata nini?

Inawapasa wawe wanahukumu mambo yao kwa kufuata Qur-aan na Sunnah.

(وأن احكم بينهم بما أنزل الله) 

Na wahukumu baina yao kwa Aliyoyateremsha Allaah. (Al-Maaidah: 49)

(الله هو الحكم وإليه المصير)

Allaah ndiye mwenye kuhukumu na Kwake ndio marejeo.

31- Nini hukumu ya kufuata sheria zisizo za Kiislam?

Kuzifuata na kuzifanyia kazi (na kuziacha shari'ah za Allaah سبحانه وتعالى)) ni kufuru kubwa.

(ومن لم يحكم بما أنزل الله فأولئك هم الكافرون)

Na wasiohukumu kwa Aliyoteremsha Allaah, basi hao ndio makafiri. (Al-Maaidah: 44)

(وما لم تحكم أئمتهم بكتاب الله ويتخيروا مما أنزل الله  إلا جعل الله بأسهم بينهم)

Na wasipohukumu Viongozi wao kwa Kitabu cha Allaah na wakawa wanachagua katika Aliyoyateremsha Allaah, basi Allaah Atawajaalia kutoelewana (migongano) baina yao.

32- Je, Inafaa kuapa kwa mwengine asiye Allaah سبحانه وتعالى?

Haifai kuapa kiapo kisicho cha Allaah.

 )قل بلى وربي لتبعثن)

Sema: Kwani? Naapa kwa Mola wangu! Hapana shaka mtafufuliwa. (At-Taghaabun: 7)

 

(من حلف بغير الله فقد أشرك)

Atakayeapa kiapo kisichokuwa kwa Allaah basi amemshirikisha.

33- Je, Inafaa kutundika hirizi?

Haifai kutundika kwa sababu ni shirki.

(وإن يمسسك الله بضر فلا كاشف له إلا هو)

Na ikiwa Allaah Akikugusisha madhara, basi hapana wa kukuondolea hayo ila Yeye. (Al-An'aam: 17)

 (من علق تميمة فقد أشرك)

Atakaetundika hirizi kafanya shirki.

34- Tunatakiwa tujikurubishe (tutawasal) kwa Allaah سبحانه وتعالى kwa nini?

Tujikurubishe (tuwasiliane naye katika kuomba du'aa) kwa kutaja majina Yake Mazuri, na Sifa Zake, na vitendo vyetu vyema.

(ولله الأسماء الحسنى فأدعوه بها)

Na Allaah Ana majina mazuri kabisa, basi muombeni kwa hayo. (Al-A'araf: 180)

(اسألك بكل أسم هو لك سميت به نفسك)

Nakuomba kwa  kila jina ambalo ni Lako ulilojiita nalo Mwenyewe.

35- Je, Unahitaji kumuomba Allaah سبحانه وتعالى kwa kupitia (kumtegemea) kiumbe kingine?

Huhitaji kumtegemea kiumbe mwengine unapomuomba Allaah سبحانه وتعالى.

(واذا سالك عبادي عنى فإني قريب أجيب دعوة الداع إذا دعان)

Na waja Wangu watakapokuuliza khabari Zangu, waambie kuwa Mimi nipo karibu. Naitikia maombi ya mwombaji anaponiomba. (Al-Baqarah: 186)

(إنكم تدعون سميعا قريبا وهو معكم)

Nyinyi mnamuomba Mwenye kusikia, Aliye karibu (nanyi) Naye Yuko na pamoja nanyi.

36- Nini jukumu la Mtume?

Jukumu lake ni kufikisha ujumbe.

(يأيها الرسول بلغ ما أنزل إليك من ربك)

Ee Mtume! Fikisha uliyoteremshiwa kutoka kwa Mola wako. (Al-Maaidah: 67)

 

 (اللهم فأشهد)

Ee Mola wangu, Shuhudia.

37- Nani tumuombe tukitaka kuombewa shafa'ah na Mtume صلى الله عليه وسلم ?

Tumuombe Allaah سبحانه وتعالى tukitaka kuombewa na Mtume صلى الله عليه وسلم shafa'ah.

( قل لله الشفاعة جميعاً)

Sema: Uombolezi wote uko kwa Allaah. (Az-Zumar 44)

 

(اللهم شفعة في)

Ee Mola wangu! nikubalie maombezi (shafa'ah) yangu.

38- Vipi tumpende Allaah سبحانه وتعالى na Mtume صلى الله عليه وسلم ?

Mahaba (Mapenzi) ni kutii na kufuata amri.

(قل إن كنتم تحبون الله فأتبعوني يحببكم الله)

Sema: Ikiwa nyinyi mnampenda Allaah basi nifuateni mimi, Allaah Atakupendeni.(Al-'Imraan:  31)

(لايومن أحدكم حتى أكون أحب إليه من والده وولده والناس أجمعين)

Hatokuwa kaamini mmoja wenu mpaka niwe mimi ni kipenzi kwake kuliko wazazi wake, watoto wake na watu wote.

39- Je, Inafaa kumsifu Mtume صلى الله عليه وسلم kwa kumtukuza? (kumpandisha cheo kama cha Allaah).

 

 Haifai kumsifu Mtume صلى الله عليه وسلم kwa kumtukuza.

(قل إنما أنا بشر مثلكم يوحى إلي إنما إلهكم إله واحد)

Sema: Mimi ni mwanaadamu kama nyinyi. Ninaletewa Wahyi kwamba Ilaah wenu ni Ilaah Mmoja. (Al-Kahf: 110)

(لاتطروني كما أطرت النصارى ابن مريم فأنما أنا عبد فقولوا عبدالله ورسوله)

Msinitukuze (kwa kunipandisha cheo kama cha Allaah) kama walivyomtukuza Manaswara kumtukuza 'Iysaa mwana wa Maryam, Hakika mimi ni mja kwa hiyo semeni mja wa Allaah na mjumbe Wake.

40- Nani kiumbe cha mwanzo  na kipi kilichoumbwa mwanzo?

Aadam عليه السلام ni kiumbe cha mwanzo kuumbwa,  na kitu cha mwanzo kuumbwa ni kalamu.

 

(إذ قال ربك للملائكة إني خالق بشراً

 من طين)

Mola wako Alipowaambia Malaika: Hakika Mimi nitaumba mtu kutokana na udongo. (Swaad: 71)

(إن أول ما خلق الله القلم)

Kitu cha kwanza Alichoumba Allaah ni kalamu.

41- Mtume صلى الله عليه وسلم kaumbwa kutokana na nini?

Mtume صلى الله عليه وسلم kaumbwa kutokana na manii.

) هو الذي خلقكم من تراب ثم من نطفة(

Yeye ndiye aliyekuumbeni kwa udongo, kisha kwa tone la manii. (Ghaafir: 67)

 

(إن أحدكم يجمع خلقه في بطن أمه أربعين يوما نطفة)

Hakika mmoja wenu hukusanywa umbile lake katika tumbo la mama yake siku arubaini za mwanzo akiwa ni mchanganyiko wa manii (ya mke na mume)...

42- Nini hukumu   ya Jihaad kwa Muislamu?

Kufanya Jihaad ni waajib kwa Muislamu kwa kutumia mali, nafsi, na ulimi.

(أنفروا خفافا وثقالا وجاهدوا باموالكم وأنفسكم )

Nendeni mtoke, mkiwa wepesi na wazito, na piganeni Jihaad kwa mali yenu na nafsi zenu katika Njia ya Allaah. (At-Tawbah: 41)

(جاهدوا المشركين بأموالكم وأنفسكم وألسنتكم)

Piganeni Jihaad na washirikina kwa mali zenu, nafsi zenu na ndimi zenu.

43- Vipi kuwafanyia urafiki Waumini?

Kuwaandama kwa  mapenzi na kuwanusuru  Waumini walioshikamana na Tawhiyd.

(والمؤمنون والمؤمنات بعضهم أولياء بعض)

Na Waumini wanaume na Waumini wanawake wao kwa wao ni marafiki walinzi. (At-Tawbah: 71)

(المؤمن للمؤمن كالبنيان يشد بعضه بعضا )

Muumini kwa Muumini mwenzake ni kama mfano wa jengo  (matofali) hushikamana pamoja.

44- Je, Inafaa kufanya urafiki na makafiri na kuwasaidia?

Haifai kuwaandama kwa kufanya urafiki nao na kuwasaidia.

(ومن يتولهم منكم فأنه منهم)

Na miongoni mwenu mwenye kufanya urafiki nao, basi huyo ni katika wao. (Al-Maaidah: 51)

( إن آل بني فلان ليسوا لي بأولياء )

Hakika watu wa kabila fulani si vipenzi vyangu.

45- Nani Walii?

Walii ni Muumini mwenye kumcha Allaah.

(ألا إن أوليا الله لا خوف عليهم ولا هم يحزنون الذين آمنوا وكانوا يتقون)

Tambueni! Vipenzi vya  Allaah hawatokuwa na khofu wala hawatahuzunika. (Yuwnus: 62)  

(إنما ولي الله وصالح المؤمنين)

Bali yeye ni kipenzi cha Allaah na Muumini mwema.

46- Kwa nini Allaah سبحانه وتعالى Kateremsha Qur-aan?

Ameteremsha Qur-aan ili tufuate yaliyomo.

(اتبعوا ما أنزل إليكم من ربكم ولا تتبعوا من دونه أولياء)

Fuateni mliyoteremshiwa kutoka kwa Mola wenu, wala msifuate rafiki au walinzi wengine badala Yake. (Al-A'araaf 3)

(اقروا القران وأعملوا به ولا تأكلوا

 به ولا تستكثروا به)

Someni Qur-aan na muifanyie kazi, na wala msipokee ujira kwa kuisoma.

47- Je, tutosheke na Qur-aan bila Hadiyth?

Tuifuate Qur-aan na  Hadiyth bila kutosheka na Qur-aan pekee.

(وأنزلنا إليك الذكر لتبين للناس ما نزل إليهم)

Nasi tumekuteremshia wewe Ukumbusho ili uwabainishie watu yaliyoteremshwa kwao. (An-Nahl: 44)

(إلا وإني أوتيت القرآن ومثله معه)

Ila nami nimepewa Qur-aan na mfano wake (ambayo ni Had)

48- Je? Tunaweza kutanguliza maneno yetu mbele ya kauli ya Allaah سبحانه وتعالى na Mtume صلى الله عليه وسلم ?

Haifai kutanguliza maneno yetu mbele ya kauli ya Allaah سبحانه وتعالى na Mtume صلى الله عليه وسلم (Msifanye kinyume na Aliyoamrisha Allaah سبحانه وتعالى na Mtume صلى الله عليه وسلم

(يا أيها الذين أمنوا لا تقدموا بين يدي الله ورسوله)

Enyi mlioamini! Msitangulize (kauli zenu) mbele ya Allaah na Mtume Wake. (Al-Hujuraat: 1)

( لا طاعة لاحد في معصية الله إنما الطاعة في المعروف)

Hakuna kumtii mtu yeyote katika kumuasi Allaah سبحانه وتعالى, Bali Utiifu ni katika mambo mema.

49- Tufanye nini tunapokhitilafiana (Tunapozozana)?

Inatupasa turejee katika Qur-aan na Sunnah Sahihi?

(فأن تنازعتم في شيء فردوه إلى الله ورسوله)

Na mkizozana katika jambo basi lirudisheni kwa Allaah na Mtume Wake. (An-Nisaa: 59)

(تركت فيكم ما إن تمسكتم لن  تضلوا أبدا من بعدي كتاب الله وسنتي(   

Nimekuachieni ambavyo mkikamatana navyo hamtopotea abadan baada yangu; Kitabu cha Allaah na Sunnah  zangu.

50- Nini Bid'ah katika Dini?

Kila kilichokuwa hakina dalili katika shari'ah ya Dini.

 

(أم لهم شركاء شرعوا لهم من الدين مالم يأذن به الله (

Au hao wana miungu ya kishirikina waliowatungia dini asiyoitolea idhini Allaah? (Ash-Shuwraa)

(من أحدث في أمرنا هذا ما ليس منه

 فهو رد)

Atakayezusha katika mambo yetu haya (Dini yetu) yasiyokuwemo basi kitarudishwa (hakitokubaliwa kitendo chake).

51- Je, Ipo Bid'ah inayoitwa Bid'ah nzuri katika Dini?

Hakuna Bid'ah nzuri katika Dini.

(اليوم أكملت لكم دينكم وأتممت عليكم نعمتي ورضيت لكم الإسلام دينا )

Leo nimekukamilishieni Dini yenu, na nimekutimizieni neema yangu, na nimekupendeleeni Uislamu uwe ndiyo Dini. (Al-Maaidah: 3)

(إياكم ومحدثات الأمور فأن كل محدثة بدعة وكل بدعة ضلالة )

Jitahadharini na uzushi (katika Dini), kwani kila uzushi ni Bid'ah na kila bid'ah ni upotofu.

52- Je, Ipo Sunnah nzuri katika Uislamu?

Ndio, kama anayeanza kufanya kitendo chema cha kheri akafuatwa.

(وأجعلنا للمتقين إماما)

Na utujaalie tuwe waongozi kwa wachaji Allaah. (Al-Furqaan: 74)

(من سن في الإسلام سنة حسنة فله أجرها وأجر من عمل بها من بعده)

Atakayefanya kitendo cha Sunnah  katika Uislamu atapata ujira  wake na ujira wa atakayetenda hicho kitendo chema baada yake.

53- Je, inatosha mtu ajichunge (Ajilinde na maasi) peke yake?    

Hana budi bali kujilinda nafsi  yake na familia yake.

(يا أيها الذين أمنوا قوا أنفسكم وأهليكم نارا)

Enyi mlioamini! Jilindeni nafsi zenu na ahli zenu na Moto. (At-Tahriym: 6)

(إن الله تعالى سائل كل راع عما استرعاه أحفظ ذلك أم ضيعه)

Hakika Allaah سبحانه وتعالى Atamuuliza kila mchungaji kile alichokichunga kama alikilinda au alikiacha kikapotea.

54- Lini watapata nusra Waumini?

Wakifuata Kitabu cha Mola wao na Sunnah za Mtume wao.

(يا أيها الذين أمنوا إن تنصروا الله ينصركم ويثبت أقدامكم)

Enyi mlioamini! Mkimnusuru Allaah naye Atakunusuruni na ataithibitisha miguu yenu. (Muhammad: 7)

(لاتزال طائفة من أمتي منصورين) 

Halitoacha kundi miongoni mwa Umma wangu kuwa ni lenye kunusuriwa.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Rudi Juu