Hukmu Ya Kuchinja (Udhwhiyah) Kwa Mwenye Uwezo

Imaam Ibn Baaz (Rahimahu Allaah)

www.alhidaaya.com [3]

Amesema Imaam Ibn Baaz (Rahimahu Allaah):

“Udhwhiyah ni Sunnah Muakkadah (Iliyosisitizwa) imewekewa Shariy'ah kwa wanaume na wanawake, na inatosheleza kwa mwanamme na watu wake wa nyumbani na kwa mwanamke na watu wake wa nyumbani.”

[Majmuw’ Al-Fataawaa (18/38)]

Akinunua Mnyama Wa Udhwhiyah Kisha Akapata Maradhi Achinjwe

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Atakayenunua kichinjwa na kumchunga kisha akapata maradhi au kuvunjika mguu wake je, huchinjwa?

JIBU:

Atakayeainisha kichinjwa na kusema: “Hiki ndicho kichinjwa changu huwa ndio kichinjwa.”

a-Akipatwa na maradhi au kuvunjika na ikiwa wewe ndiye uliyesababisha basi hatochinjwa na yapasa kununua mbadala wake au kilicho bora zaidi.

b-Na ikiwa wewe hukusababisha basi atafaa.

[Majmuw’ Al-Fataawaa (25/99)]

Hukumu ya Udhwhiya kwa Maiti

Imaam Ibn ‘Uthaymiyn (Rahimahu-Allaah)

www.alhidaaya.com [3]

Imaam Ibn 'Uthaymiyn (Rahimahu-Allaah) amesema:

a-Udhwhiya ni kwa walio hai. Nabiy (Swalla Allaahu 'alayhi wa aalihi wa sallam)  alikuwa na ndugu waliokufa kabla lakini hakuwachinjia.

b-Atakapousia mtu kabla ya kufa kwake achinjiwe basi usia wake utafuatwa  na atachinjiwa.

c-Achinje mtu kwa ajili yake na watu wa nyumbani kwake na anuie hilo walio hai na waliokufa.

d-Maiti kupwekeka na Udhwhiya si katika Sunnah.

[Majmuw’ Al-Fataawaa (25/11]

Inafaa Kumkosoa Anayechinja Kwa Ajili Ya Maiti?

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Je katika hali hiyo (kuchinja kwa asiyekuwa Allaah) tunatakiwa kumkosoa aliyechinja kwa ajili ya maiti?

JIBU:

Lau mtu akifanya hivyo hatutomkosoa bali tutamuelekeza kile kilicho bora zaidi nayo ni dua'a kwa maiti.

[Majmuw’ Al-Fataawaa (25/122)]

Mwanamke Anafaa Kuchinja?

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Je Mwanamke Anaruhusiwa Kuchinja Kichinjwa?

JIBU:

Inajuzu mwanamke kuchinja kichinjwa kwani asili ni mwanamke kushirikiana na mwanamme katika ‘Ibaadah.

[Majmuw’ Al-Fataawaa (25/81)]

Aliyeoa Na Kuishi Na Baba Yake Udhwhiya Ya Baba Yake Inamtosheleza?

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Kijana aliyeoa mwenye mali anayekaa na babake je Udhwhiyah (kichinjo) ya babake kitamtosheleza?

JIBU:

a-Sunnah ni mtu kuchinja kwa ajili yake na watu wa nyumbani kwake wakubwa kwa wadogo.

b-Ama ikiwa kila mmoja anakaa nyumba yake tofauti basi kila mmoja anatakiwa achinje alipo (kivyake).

[Majmuw’ Al-Fataawaa (25/38)]

Kukopa kwa Ajili ya Udhwhiya Inafaa?

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Fakiri ambaye hana chochote mkononi pindi 'Iydul-Adhw-haa  inapofika lakini ni mwenye kutarajia kupokea mshahara wake wa mwezi basi na akope achinje kisha alipe?

JIBU:

Kama hatoweza kulipa kwa muda wa karibu basi haifai kwake kukopa ili achinje kwani hili litamfanya ashughulike na kulipa deni.

[Majmuw’ Al-Fataawaa (25/110)]

Hikma Ya Kujizuia Kukata Nywele, Kucha Kwa Mwenye Kunuia Kuchinja

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Ni ipi hekima kwa anayetaka kufanya Udhwhiya kujizuia kukata nywele zake, kucha na kutoa kitu katika ngozi?

JIBU:

a-Miongoni mwa neema za Allaah (Subhaanahu wa Ta'aalaa)  kwa waja Wake ni kuwa pindi wanapoondoka watu kwenye kuhiji na kufanya ‘ibaadah na kuacha waliyoacha ni kuwa Allaah Amewaamrisha waliobaki kushirikiana na Hujaji kwa kuacha kufanya baadhi ya mambo kwa ajili ya kujikurubisha kwa Allaah.

b-Mchinjaji anashirikiana na Hujaji katika baadhi ya matendo ya ‘ibaadah nayo ni kujikurubisha kwa Allaah kwa kuchinja. Mtu huyu anayetaka kuchinja anashirikiana na Hujaji katika sifa za Ihraam nazo ni kujizuia na kukata nywele na kucha.

[Majmuw’ Al-Fataawaa (25/139)]

Mnyama Yupi Bora Kwa Udhwhiya Aliye Mnene,

Mwenye Mafuta Mengi Au Mwenye Thamani?

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Ni kipi bora katika Udhwhiya? Je, ni mnyama mkubwa wa kiwiliwili mwenye mafuta mengi au mwenye thamani kubwa?

JIBU:

Tukiangalia manufaa ya Udhwhiya ni kuwa mnyama mkubwa mwenye nyama nyingi anakuwa ni bora.

Na tukiangalia ukweli wa kutaabadi kwa ajili ya Allaah ('Azza wa Jalla)  tutasema mwenye thamani kubwa ni bora.

Hata hivyo angalia kilicho kizuri zaidi kwa moyo wako na ufanye na ukiona kuwa nafsi yako inazidi iymaan na kujidhalilisha kwa Allaah ('Azza wa Jalla)  kwa kutoa thamani zaidi basi fanya hivyo.

[Majmuw’ Al-Fataawaa (25/35)]

Unapochinja Unatakiwa Kusema Nini?

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Unasema nini unapochinja?

JIBU:

Anasema mtu anapotaka kuchinja:

بسم الله والله اكبر، اللهم هذا منك ولك اللهم هذه عني و عن اهل بيتي  

((BismiLLaah, wa Allaahu Akbar, Ee Allaah hii ni kutoka Kwako na kwa ajili Yako, Ee Allaah hii ni kutoka kwangu na kwa kutoka kwa ahli yangu))

 [Majmuw’ Al-Fataawaa (25/55)]

Wakati Wa Kutamka Du’aa Ya Kuchinja Na Sifa Yake

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Ni wakati gani wa kutamka hayo (du’aa ya kuchinja) na sifa yake ni ipi?

JIBU:

Wakati wa kusema hayo (du’aa ya kuchinja) ni pindi mnyama anapokalishwa (kwa ajili ya kuchinjwa) na sifa yake ni kusema:

بسم الله والله اكبر، اللهم هذا منك ولك اللهم  هذا عن فلان  

((BismiLLaah, wa Allaahu Akbar, Ee Allaah hii ni kutoka Kwako na kwa ajili Yako, Ee Allaah hii ni kutoka kwa fulani))

[Majmuw’ Al-Fataawaa (25/56)]

Akisahau Kutamka Du’aa Ya Kuchinja Afanyeje? Kichinjo Kinakuwa Haraam Kuliwa

Imaam Ibn ‘Uthaymiyn (Rahimahu-Allaah)

www.alhidaaya.com [3]

SWALI:

Mtu anaposahau kutamka du’aa ya kuchinja anatakiwa afanye nini?

JIBU:

Atakayesahau kusema hana madhambi lakini kichinjo kinakuwa haraam na haifai kuliwa.

[Majmuw’ Al-Fataawaa (25/56)]

Wakati Na Siku Za Kupasa Udhwhiya (Kuchinja)

Imaam Ibn ‘Uthaymiyn (Rahimahu-Allaah)

www.alhidaaya.com [3]

Wakati wa Udhwhiya ni baada ya Swalaah ya  'Iyd (Al-Adhwhaa) hadi kuzama kwa jua siku ya kumi na tatu, kwa maana ni siku nne (jumla); Siku ya ‘Iyd na siku tatu baada ya hapo.

[Majmuw’ Al-Fataawaa (25/12)]