03-Sifa Na Akhlaaq Za Nabiy (صلى الله عليه وآله وسلم): Unyeyekevu Wake: Akifanya Kazi Za Nyumbani Kwake Na Kuwahudumia Ahli Wake

Sifa Na Akhlaaq Za Nabiy  (صلى الله عليه وآله وسلم)

03-Unyenyekevu Wake: Akifanya Kazi Za  Nyumbani Kwake Na Kuwahudumia Ahli Wake

www.alhidaaya.com [1]

Nabiy (صلى الله عليه وآله وسلم) alikuwa akisaidia kazi za nyumba kama kufagia na usafi mwingine wa nyumba na akijihudumia mwenyewe na kuwahudumia ahli wake, kwa dalili zifuatazo:

  عَنِ الأَسْوَدِ، قَالَ سَأَلْتُ عَائِشَةَ مَا كَانَ النَّبِيُّ صلى الله عليه وسلم يَصْنَعُ فِي بَيْتِهِ قَالَتْ كَانَ يَكُونُ فِي مِهْنَةِ أَهْلِهِ ـ تَعْنِي خِدْمَةَ أَهْلِهِ ـ فَإِذَا حَضَرَتِ الصَّلاَةُ خَرَجَ إِلَى الصَّلاَةِ‏.‏

Kutoka kwa Al-Aswad ambaye amesema:  Nilimuuliza ‘Aaishah  (رضي الله عنها): Je, Nabiy (صلى الله عليه وآله وسلم) alikuwa akifanya nini nyumbani kwake? Akajibu:  “Alikuwa akijishughulisha kuwahudumia ahli wake, na inaponadiwa Swalaah hutoka kwenda kuswali.”  [Al-Bukhaariy na wengineo]

Pia:

عن عائشةَ قالت : سأَلها رجُلٌ : هل كان رسولُ اللهِ صلَّى اللهُ عليه وسلَّم يعمَلُ في بيتِه ؟ قالت : نَعم كان رسولُ اللهِ صلَّى اللهُ عليه وسلَّم يخصِفُ نعلَه ويَخيطُ ثوبَه ويعمَلُ في بيتِه كما يعمَلُ أحَدُكم في بيتِه

‘Aaishah  (رضي الله عنها) amesema:  Mtu mmoja alimuuliza: Je, Rasuli wa Allaah (صلى الله عليه وآله وسلم) alikuwa akifanya kazi nyumbani kwake?  Akajibu:  “Naam. Rasuli wa Allaah (صلى الله عليه وآله وسلم) alikuwa akitengeneza viatu vyake na  akishona viraka vya nguo zake na akifanya kazi kama afanyavyo kazi mmoja wenu nyumbani mwake.”  [Ahmad, Adab Al-Mufrad, Ibn Hibban na ameipa daraja ya Swahiyh Al-Albaaniy katika Takhriyj Mishkaat Al-Maswaabiyh [5759]

Pia:

 وقد سئلت عَائِشَة رضي الله عنها : " مَا كَانَ رَسُولُ اللهِ صَلَّى اللهُ عَلَيْهِ وَسَلَّمَ يَعْمَلُ فِي بَيْتِهِ؟ فقَالَتْ: كَانَ بَشَرًا مِنَ الْبَشَرِ يَفْلِي ثَوْبَهُ ، وَيَحْلُبُ شَاتَهُ، وَيَخْدُمُ نَفْسَهُ  .
رواه أحمد (26194) ، وصححه الألباني في "الصحيحة(671) .

Aliulizwa ‘Aaishah  (رضي الله عنها): Je, Rasuli wa Allaah (صلى الله عليه وآله وسلم) alikuwa akifanya kazi nyumbani kwake? Akajibu:  Yeye ni bin Aadam kama walivyo wana Aadam, wengineo; alikuwa akisafisha nguo zake, akikamua maziwa mbuzi wake, na akijihudumia mwenyewe.”  [Ahmad na ameisahihisha Al-Albaaniy katika Asw-Swahiyhah [671]