Skip navigation.
Home kabah

Saladi Ya Viazi (Potato Salad) Na Mayonnaise (Kachumbari ya Mayai)

 

 

Vipimo

 

 

Viazi                                                                      7 vya kiasi

 

Maharage machanga ya kijani (spring beans)           1 kikombe

 

Karoti                                                                    1 kikombe

 

Mahindi                                                                  1 kikombe

 

Njegere                                                                  I kikombe

 

Mayonnaise                                                            3 vijiko vya supu

 

Kitunguu saumu(thomu/galic)                                 3 chembe

 

Chumvi                                                                  kiasi

 

Pilipilimanga                                                            ½ kijiko cha chai

 

 

 

Namna Ya Kutayarisha Na Kupika

 

 

  1. Chemsha viazi kiasi (visiive sana hadi kuvurugika).  Kisha menya na kata vipande vidogovidogo, weka kando.

 

  1. Menya na kata karoti vipande vidogovidogo weka kando.

 

  1. Chemsha Maharage machanga (spring beans) mahindi na njegere. Karibu na kuwiva tia karoti. Maji ya kuchemshia yawe ya kiasi kidogo tu.

 

  1. Katika bakuli la kupakulia saladi, weka viazi, na karoti na njegere, maharage na mahindi uliyoyachemsha.

 

  1. Chuna au saga kitunguu thomu, changanya vizuri na mayonnaise, chumvi na pilipili manga. Kisha mimina katika bakuli pamoja na mchanganyiko wa viazi na mboga/maharage, ikiwa tayari.

 

 

KIDOKEZO:   

 

Karoti na aina za njegere, maharage na mahindi zinapatikana tayari madukani katika freezer, na hazihitaji kuchemshwa sana.

 

 

Rudi Juu