077-Asbaabun-Nuzuwl: Maryam Aayah 077: أَفَرَأَيْتَ الَّذِي كَفَرَ بِآيَاتِنَا وَقَالَ لَأُوتَيَنَّ مَالًا وَوَلَدًا

أسْبابُ النُّزُول

Asbaabun-Nuzuwl

Sababu Za Kuteremshwa (Baadhi Ya  Suwrah Na Aayaat Za Qur-aan)

 

Imekusanywa na: Alhidaaya.com

019-Asbaab Nuzuwl Suwrah Maryam Aayah 77

 

 

 

Kauli Zake Allaah (سبحانه وتعالى):

 

 

أَفَرَأَيْتَ الَّذِي كَفَرَ بِآيَاتِنَا وَقَالَ لَأُوتَيَنَّ مَالًا وَوَلَدًا ﴿٧٧﴾ أَطَّلَعَ الْغَيْبَ أَمِ اتَّخَذَ عِندَ الرَّحْمَـٰنِ عَهْدًا ﴿٧٨﴾ كَلَّا ۚ سَنَكْتُبُ مَا يَقُولُ وَنَمُدُّ لَهُ مِنَ الْعَذَابِ مَدًّا ﴿٧٩﴾ وَنَرِثُهُ مَا يَقُولُ وَيَأْتِينَا فَرْدًا ﴿٨٠﴾

Je, umemuona yule aliyezikufuru Aayaat Zetu na akasema: Bila shaka nitapewa (Aakhirah) mali na watoto? Je, kwani ameyajua ya ghayb, au amechukua ahadi kwa Ar-Rahmaan? Laa, hasha! Tutayaandika yale anayoyasema, na Tutampanulia muda wa adhabu ya kurefuka. Na Tutamrithi yale anayoyasema, na atatujia peke yake!  [Maryam: 77- 80] 

 

Sababun-Nuzuwl: 

 

حَدَّثَنَا مُحَمَّدُ بْنُ كَثِيرٍ، أَخْبَرَنَا سُفْيَانُ، عَنِ الأَعْمَشِ، عَنْ أَبِي الضُّحَى، عَنْ مَسْرُوقٍ، عَنْ خَبَّابٍ، قَالَ كُنْتُ قَيْنًا بِمَكَّةَ، فَعَمِلْتُ لِلْعَاصِي بْنِ وَائِلِ السَّهْمِيِّ سَيْفًا، فَجِئْتُ أَتَقَاضَاهُ فَقَالَ لاَ أُعْطِيكَ حَتَّى تَكْفُرَ بِمُحَمَّدٍ‏.‏ قُلْتُ لاَ أَكْفُرُ بِمُحَمَّدٍ صلى الله عليه وسلم حَتَّى يُمِيتَكَ اللَّهُ، ثُمَّ يُحْيِيَكَ‏.‏ قَالَ إِذَا أَمَاتَنِي اللَّهُ ثُمَّ بَعَثَنِي، وَلِي مَالٌ وَوَلَدٌ فَأَنْزَلَ اللَّهُ: (( ‏أَفَرَأَيْتَ الَّذِي كَفَرَ بِآيَاتِنَا وَقَالَ لأُوتَيَنَّ مَالاً وَوَلَدًا * أَطَّلَعَ الْغَيْبَ أَمِ اتَّخَذَ عِنْدَ الرَّحْمَنِ عَهْدًا))‏

 

Ametuhadithia Muhammad bin Kathiyr, ametujulisha Sufyaan, kutoka kwa Al-A’mash, kutoka kwa Abuu Adhw-Dwuhaa, kutoka kwa Masruwq, kutoka kwa Khabbaab amesema: Nilikuwa sonara Makkah, nikatengeneza upanga kwa ajili ya Al-‘Aasw bin Waail As-Sahmiyy. Nilipomwendea kudai gharama zake, akaniambia: “Sitokupa mpaka umkanushe Muhammad.” Nikamwambia: “Simkanushi Muhammad (صلى الله عليه وآله وسلم) mpaka Allaah Akufishe, kisha Akuhuishe.” Akasema: “Akinifisha Allaah kisha Akanifufua, nitakuwa na mali na watoto.” Allaah Akateremsha:

 

أَفَرَأَيْتَ الَّذِي كَفَرَ بِآيَاتِنَا وَقَالَ لَأُوتَيَنَّ مَالًا وَوَلَدًا ﴿٧٧﴾

Je, umemuona yule aliyezikufuru Aayaat Zetu na akasema: Bila shaka nitapewa (Aakhirah) mali na watoto?

 

أَطَّلَعَ الْغَيْبَ أَمِ اتَّخَذَ عِندَ الرَّحْمَـٰنِ عَهْدًا ﴿٧٨﴾

Je, kwani ameyajua ya ghayb, au amechukua ahadi kwa Ar-Rahmaan?

 

[Al-Bukhaariy – Kitaab At-Tafsiyr]

 

Na pia,

 

 

حَدَّثَنَا مُحَمَّدُ بْنُ بَشَّارٍ، حَدَّثَنَا ابْنُ أَبِي عَدِيٍّ، عَنْ شُعْبَةَ، عَنْ سُلَيْمَانَ، عَنْ أَبِي الضُّحَى، عَنْ مَسْرُوقٍ، عَنْ خَبَّابٍ، قَالَ كُنْتُ قَيْنًا فِي الْجَاهِلِيَّةِ، وَكَانَ لِي عَلَى الْعَاصِ بْنِ وَائِلٍ دَيْنٌ، فَأَتَيْتُهُ أَتَقَاضَاهُ قَالَ لاَ أُعْطِيكَ حَتَّى تَكْفُرَ بِمُحَمَّدٍ صلى الله عليه وسلم‏.‏ فَقُلْتُ لاَ أَكْفُرُ حَتَّى يُمِيتَكَ اللَّهُ، ثُمَّ تُبْعَثَ‏.‏ قَالَ دَعْنِي حَتَّى أَمُوتَ وَأُبْعَثَ، فَسَأُوتَى مَالاً وَوَلَدًا فَأَقْضِيَكَ فَنَزَلَتْ ‏: ((‏أَفَرَأَيْتَ الَّذِي كَفَرَ بِآيَاتِنَا وَقَالَ لأُوتَيَنَّ مَالاً وَوَلَدًا * أَطَّلَعَ الْغَيْبَ أَمِ اتَّخَذَ عِنْدَ الرَّحْمَنِ عَهْدًا)) ‏

Ametuhadithia Muhammad bin Bash-shaar, ametuhadithia ibn Abiy ‘Adayy, kutoka kwa Shu’bah, kutoka kwa Sulaymaan, kutoka Abuu Adhw-Dhwuhaa, kutoka kwa Masruwq,  kutoka kwa Khabbaab ambaye amesema: Nilikuwa sonara kipindi cha Jaahiliyyah na nilikuwa namdai deni la pesa Al-‘Aasw bin Waail. Nikamwendea kuzidai akasema: “Sitokupa mpaka umkanushe Muhammad (صلى الله عليه وآله وسلم).”  Nikamjibu: “Sitomkanusha hadi Allaah Akufishe na Akufufue.” Akasema: “Niache nife na nifufuliwe kwani huko (Aakhirah) nitapewa mali na watoto, kisha hapo ndio nitakulipa deni lako.”  Ikateremka:

 

أَفَرَأَيْتَ الَّذِي كَفَرَ بِآيَاتِنَا وَقَالَ لَأُوتَيَنَّ مَالًا وَوَلَدًا ﴿٧٧﴾

Je, umemuona yule aliyezikufuru Aayaat Zetu na akasema: Bila shaka nitapewa (Aakhirah) mali na watoto?

 

 

أَطَّلَعَ الْغَيْبَ أَمِ اتَّخَذَ عِندَ الرَّحْمَـٰنِ عَهْدًا ﴿٧٨﴾

Je, kwani ameyajua ya ghayb, au amechukua ahadi kwa Ar-Rahmaan?

 

[Al-Bukhaariy – Kitaab Al-Buyuw’]

 

Riwayaah kadhaa nyenginezo kama hizo katika Al-Bukhaariy, Muslim, At-Tirmidhiy]

Share