Kauli Za Salaf: ‘Ibaadah
Mwenye Kuacha Swalaah Ya Ijumaa Allaah Ataupiga Mhuri Moyo Wake
Imaam Ibn Al-Qayyim (Rahimahu Allaah)
Imaam Ibn Al-Qayyim (Rahimahu Allaah) amesema:
“Swalaah ya Ijumaa ni katika fardhi za Uislamu zilizosisitizwa, na ni miongoni mwa mikusanyiko mitukufu ya Waislamu. Nao ni (mkusanyiko) mtukufu kuliko mkusanyiko wowote wanaokusanyika (Waislamu) ndani yake. Na ni wa faradhi zaidi kuliko (mikusanyiko) yote isipokuwa (mkusanyiko) wa 'Arafah.
Atakayeiacha kwa kupuuza (bila ya udhuru unaokubalika ki-Shariy’ah), basi Allaah Ataupiga mhuri moyo wake.”
[Zaad Al-Ma’aad (1/376)]