Al-Maliyk: Mfalme Mwenye Nguvu Zote Daima
Al-Maliyk ni sura ya mkazo (mubaalaghah) ya Al-Malik; yaani Mfalme Mwenye ufalme mkamilifu, Mwenye nguvu zote daima.
Ama Al-Maliyk imetajwa mara moja katika Kauli ya Allaah (سبحانه وتعالى):
إِنَّ الْمُتَّقِينَ فِي جَنَّاتٍ وَنَهَرٍ ﴿٥٤﴾ فِي مَقْعَدِ صِدْقٍ عِندَ مَلِيكٍ مُّقْتَدِرٍ ﴿٥٥﴾
Hakika wenye taqwa watakuwa katika Jannaat na mito. Katika makao ya haki kwa Mfalme Mwenye Nguvu zote, Mwenye Uwezo wa juu kabisa. [Al-Qamar (54:54-55)]
Na katika Aayah hii kuna bishara kwa wenye taqwa: makao yao ni makao ya ukweli, karibu na Al-Maliyk Al-Muqtadir; hakuna ufalme ulio juu ya Ufalme Wake, wala nguvu zinazolingana na Nguvu Zake.
Taathira Ya Imaan, Faida, Mafunzo Tuyapatayo Na Jinsi Ya Kufanyia Kazi Jina Hili La Allaah, Al-Maliyk:
1-Ufalme Wa Allaah Ni Wa Kweli, Na Ufalme Wa Viumbe Ni Wa Kuazimwa:
Tambua, ee Mja wa Al-Maliyk: Kila ufalme walio nao viumbe ni amana ya muda Aliyowapa Allaah, na Yeye Huuondoa Anapotaka. Anasema Allaah (سبحانه وتعالى):
قُلِ اللَّـهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ ۖ بِيَدِكَ الْخَيْرُ ۖ إِنَّكَ عَلَىٰ كُلِّ شَيْءٍ قَدِيرٌ ﴿٢٦﴾
Sema: Ee Allaah Mfalme Uliyemiliki ufalme wote, Unampa ufalme Umtakaye, na Unamuondoshea ufalme Umtakaye, na Unamtukuza Umtakaye, na Unamdhalilisha Umtakaye, kheri imo Mkononi Mwako. Hakika Wewe Ni Muweza wa kila kitu. [Aal-‘Imraan (3:26)]
2-Tambua Kwamba Ufalme Wote Uko Mkononi Mwa Al-Maliyk Na Yeye Ni Muweza Wa Kila Kitu:
Al-Maliyk Al-Muqtadir (Mfalme Mwenye Uwezo) Anaendesha Ufalme Wake kwa Uwezo kamili usioshindwa na chochote. Anasema Allaah (سبحانه وتعالى):
تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ﴿١﴾
Amebarikika Ambaye Mkononi Mwake umo Ufalme, Naye juu ya kila kitu Ni Muweza. [Al-Mulk (67:1)]
3-Kumbuka Siku Ambayo Ufalme Utadhihirika Kuwa Ni Wa Allaah Pekee:
Tambua, ee Mja wa Al-Maliyk: Siku ya Qiyaamah watatoweka wafalme wote wa dunia na itabaki sauti moja: Ufalme ni wa nani leo? Anasema Allaah (سبحانه وتعالى):
يَوْمَ هُم بَارِزُونَ ۖ لَا يَخْفَىٰ عَلَى اللَّـهِ مِنْهُمْ شَيْءٌ ۚ لِّمَنِ الْمُلْكُ الْيَوْمَ ۖ لِلَّـهِ الْوَاحِدِ الْقَهَّارِ﴿١٦﴾
Siku watakayotokeza wao, hakitofichika kitu chochote chao kwa Allaah. Ufalme ni wa nani leo? (Allaah Mwenyewe Atajijibu): Ni wa Allaah Pekee Mmoja, Asiyepingika. [Ghaafir (40:16)]
4-Usiwaogope Wenye Mamlaka Ya Dunia, Kwani Wao Ni Waja Walio Chini Ya Ufalme Wa Al-Maliyk:
Muumini anayemjua Al-Maliyk hatishiki na vitisho vya viumbe, bali humtegemea Allaah. Anasema Allaah (سبحانه وتعالى):
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّـهُ وَنِعْمَ الْوَكِيلُ ﴿١٧٣﴾
Wale walioambiwa na watu: Hakika watu wamejumuika dhidi yenu, basi waogopeni. Lakini hilo liliwazidishia imaan wakasema: Hasbuna-Allaah! (Allaah Anatutosheleza) Mzuri Alioje Mtegemewa. [Aal-‘Imraan (3:173)]
5-Shindania Makao Ya Ukweli Kwa Al-Maliyk:
Makao bora kabisa ni yale ya wenye taqwa walio karibu na Al-Maliyk Al-Muqtadir. Rejea juu: Al-Qamar (54:54-55). Na neema kubwa kabisa watakayopewa watu wa Jannah ni kumtazama Rabb wao. Rasuli wa Allaah (صلى الله عليه وآله وسلم) amesema:
عَنْ صُهَيْبٍ (رضي الله عنه) عَنِ النَّبِيِّ (صلى الله عليه وسلم) قَالَ: ((إِذَا دَخَلَ أَهْلُ الْجَنَّةِ الْجَنَّةَ، يَقُولُ اللَّهُ تَبَارَكَ وَتَعَالَى: تُرِيدُونَ شَيْئًا أَزِيدُكُمْ؟ فَيَقُولُونَ: أَلَمْ تُبَيِّضْ وُجُوهَنَا؟ أَلَمْ تُدْخِلْنَا الْجَنَّةَ وَتُنَجِّنَا مِنَ النَّارِ؟ قَالَ: فَيَكْشِفُ الْحِجَابَ، فَمَا أُعْطُوا شَيْئًا أَحَبَّ إِلَيْهِمْ مِنَ النَّظَرِ إِلَى رَبِّهِمْ عَزَّ وَجَلَّ))
Amesimulia Swuhayb (رضي الله عنه): Nabiy (صلى الله عليه وآله وسلم) amesema: “Watu wa Jannah watakapoingia Jannah, Allaah (تبارك وتعالى) Atasema: Mnataka chochote Nikuzidishieni? Watasema: Je, Hukuzinawirisha nyuso zetu? Je, Hukutuingiza Jannah na Ukatuokoa na moto? Akasema: Basi Ataondoa pazia; nao hawakupewa chochote kipenzi zaidi kwao kuliko kumtazama Rabb wao (عزّ وجلّ).” [Muslim]
6-Shikamana Na Ukweli Ili Uwe Miongoni Mwa Watu Wa Makao Ya Ukweli:
Tambua, ee Mja wa Al-Maliyk: Kwa kuwa makao yao yameitwa “makao ya ukweli”, basi shikamana na ukweli katika kauli zako na vitendo vyako, kwani ukweli ndio unaomfikisha mja kwenye wema na Jannah. Rasuli wa Allaah (صلى الله عليه وآله وسلم) amesema:
عَنْ عَبْدِ اللَّهِ بْنِ مَسْعُودٍ (رضي الله عنه) قَالَ: قَالَ رَسُولُ اللَّهِ (صلى الله عليه وسلم): ((عَلَيْكُمْ بِالصِّدْقِ، فَإِنَّ الصِّدْقَ يَهْدِي إِلَى الْبِرِّ، وَإِنَّ الْبِرَّ يَهْدِي إِلَى الْجَنَّةِ، وَمَا يَزَالُ الرَّجُلُ يَصْدُقُ وَيَتَحَرَّى الصِّدْقَ حَتَّى يُكْتَبَ عِنْدَ اللَّهِ صِدِّيقًا))
Amesimulia ‘Abdullaah bin Mas’uwd (رضي الله عنه): Rasuli wa Allaah (صلى الله عليه وآله وسلم) amesema: “Shikamaneni na ukweli, kwani ukweli unaongoza kwenye wema, na wema unaongoza kwenye Jannah. Na mtu haachi kusema kweli na kuutafuta ukweli mpaka aandikwe mbele ya Allaah kuwa ni mkweli (swiddiyq).” [Al-Bukhaariy] [Muslim]
7-Ukweli Unaongoza Kwenye Wema, Na Wema Unaongoza Kwenye Jannah:
Makao ya ukweli kwa Al-Maliyk yanafikiwa kwa kushikamana na ukweli daima. Rasuli wa Allaah (صلى الله عليه وآله وسلم) amesema:
عَنْ عَبْدِ اللَّهِ بْنِ مَسْعُودٍ (رضي الله عنه) عَنِ النَّبِيِّ (صلى الله عليه وسلم) قَالَ: ((إِنَّ الصِّدْقَ يَهْدِي إِلَى الْبِرِّ، وَإِنَّ الْبِرَّ يَهْدِي إِلَى الْجَنَّةِ، وَإِنَّ الرَّجُلَ لَيَصْدُقُ حَتَّى يَكُونَ صِدِّيقًا))
Amesimulia ‘Abdullaah bin Mas’uwd (رضي الله عنه) kwamba Nabiy (صلى الله عليه وآله وسلم) amesema: “Hakika ukweli unaongoza kwenye wema, na wema unaongoza kwenye Jannah. Na mtu huendelea kusema kweli mpaka anakuwa mkweli mno.” [Al-Bukhaariy] [Muslim]
8-Jiepushe Na Kujiita Au Kumwita Mtu “Mfalme Wa Wafalme”:
Tambua kwamba Jina la ufalme kamili ni la Al-Maliyk Pekee; na kiumbe kujipa jina linalomhusu Allaah ni jambo baya kabisa. Rasuli wa Allaah (صلى الله عليه وآله وسلم) amesema:
عَنْ أَبِي هُرَيْرَةَ (رضي الله عنه) عَنِ النَّبِيِّ (صلى الله عليه وسلم) قَالَ: ((إِنَّ أَخْنَعَ اسْمٍ عِنْدَ اللَّهِ رَجُلٌ تَسَمَّى مَلِكَ الأَمْلاَكِ))
Amesimulia Abuu Hurayrah (رضي الله عنه) kwamba Nabiy (صلى الله عليه وآله وسلم) amesema: “Hakika jina ovu kabisa mbele ya Allaah ni mtu aliyejiita Mfalme wa wafalme.” [Al-Bukhaariy] [Muslim]
9-Tekeleza Uadilifu Katika Yale Uliyopewa Kuyasimamia:
Kila mmoja amepewa sehemu ndogo ya usimamizi na Al-Maliyk, na ataulizwa juu yake. Rasuli wa Allaah (صلى الله عليه وآله وسلم) amesema:
عَنْ عَبْدِ اللَّهِ بْنِ عُمَرَ (رضي الله عنهما) أَنَّ رَسُولَ اللَّهِ (صلى الله عليه وسلم) قَالَ: ((كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ))
Amesimulia ‘Abdullaah bin ‘Umar (رضي الله عنهما) kwamba Rasuli wa Allaah (صلى الله عليه وآله وسلم) amesema: “Kila mmoja wenu ni mchungaji, na kila mmoja wenu ataulizwa juu ya aliowachunga.” [Al-Bukhaariy] [Muslim]
10-Mtukuze Al-Maliyk Kwa Dhikr Ya Baada Ya Swalaah:
Mtukuze Al-Maliyk baada ya kila Swalaah kwa dhikr hii, ukikiri kwamba ufalme wote ni Wake.
Nabiy (صلى الله عليه وآله وسلم) alikuwa akimtukuza Allaah kwa Ufalme Wake baada ya kila Swalaah ya faradhi:
عَنِ الْمُغِيرَةِ بْنِ شُعْبَةَ (رضي الله عنه) أَنَّ النَّبِيَّ (صلى الله عليه وسلم) كَانَ يَقُولُ فِي دُبُرِ كُلِّ صَلاَةٍ مَكْتُوبَةٍ: ((لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الْجَدِّ مِنْكَ الْجَدُّ))
Amesimulia Al-Mughiyrah bin Shu’bah (رضي الله عنه) kwamba Nabiy (صلى الله عليه وآله وسلم) alikuwa akisema baada ya kila Swalaah ya faradhi:
لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الْجَدِّ مِنْكَ الْجَدُّ
Hapana mwabudiwa wa haki isipokuwa Allaah Peke Yake, Hana mshirika, ni Wake ufalme na ni Zake Himdi, Naye juu ya kila kitu Ni Muweza. Yaa Allaah! Hakuna wa kuzuia Ulichokitoa, wala hakuna wa kutoa Ulichokizuia, wala haumnufaishi mwenye utajiri (au cheo) utajiri wake mbele Yako. [Al-Bukhaariy] [Muslim]
Na Allaah Mjuzi zaidi