|
000-Utangulizi Wa Mtunzi
بِسْمِ اللَّـهِ الرَّحْمَـٰنِ الرَّحِيمِ
Kwa Jina la Allaah Ar-Rahmaan (Mwingi wa Rehma), Ar-Rahiym (Mwenye Kurehemu).
مقدمة
Utangulizi
الْحَمْدُ لِلَّـهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظُّلُمَاتِ وَالنُّورَ ۖ ثُمَّ الَّذِينَ كَفَرُوا بِرَبِّهِمْ يَعْدِلُونَ ﴿١﴾ هُوَ الَّذِي خَلَقَكُم مِّن طِينٍ ثُمَّ قَضَىٰ أَجَلًا ۖ وَأَجَلٌ مُّسَمًّى عِندَهُ ۖ ثُمَّ أَنتُمْ تَمْتَرُونَ ﴿٢﴾ وَهُوَ اللَّـهُ فِي السَّمَاوَاتِ وَفِي الْأَرْضِ ۖ يَعْلَمُ سِرَّكُمْ وَجَهْرَكُمْ وَيَعْلَمُ مَا تَكْسِبُونَ ﴿٣﴾
AlhamduliLLaah (Himdi Anastahiki Allaah), Ambaye Ameumba mbingu na ardhi na Akajaalia viza na nuru, kisha wale ambao wamekufuru wanawasawazisha wengine na Rabb wao. Yeye Ndiye Ambaye Amekuumbeni kutokana na udongo kisha Akahukumu muda maalumu, na uko Kwake muda maalumu uliokadariwa, kisha nyinyi mnatilia shaka! Na Yeye Ndiye Allaah mbinguni na ardhini, Anajua ya siri yenu na ya dhahiri yenu, na Anajua yale mnayoyachuma. [Al-An‘aam (6:1-3)]
وأشهد أن لا إله إلا الله وحده لا شريك له، أحد صمد لم يلد ولم يولد ولم يكن له كفواً أحد، بل له ما في السموات والأرض كل له قانتون، بديع السموات والأرض وإذا قضى أمراً فإنما يقول له كن فيكون، وربك يخلق ما يشاء ويختار ما كان لهم الخيرة سبحان الله وتعالى عما يشركون، لا يُسأل عما يفعل وهم يُسألون، وأشهد أن سيدنا ونبينا محمداً عبده ورسوله أرسله بالهدى ودين الحق ليظهره على الدين كله ولو كره المشركون، [صلى الله عليه وسلم] وعلى آله وصحبه الذين قضوا بالحق وبه كانوا يعدلون، وعلى التابعين لهم بإحسان إلى يوم الدين لا ينحرفون عن السنة ولا يعدلون، بل إياها يقتفون وبها يتمسكون وعليها يُوالون ويُعادون وعندها يقفون، وعنها يذبُّون ويناضلون وعلى جميع من سلك سبيلهم وقفا أثرهم إلى يوم يبعثون.
Na nashuhudia kwamba hapana mwabudiwa wa haki ila Allaah Peke Yake, Hana mshirika; Mmoja Pekee, Mkusudiwa kwa kila haja, Hakuzaa wala Hakuzaliwa, na wala haiwi Awe na yeyote anayefanana na kulingana Naye. Bali ni Vyake vilivyomo mbinguni na ardhini, vyote vinamtii. Mbunifu wa mbingu na ardhi (bila ya mfano uliotangulia); Anapohukumu jambo huliambia Kun! (Kuwa!) basi nalo huwa. Na Rabb wako Anaumba na Anachagua Atakavyo; haikuwa wao wana khiari yoyote. Utakasifu ni wa Allaah na Ametukuka kwa ‘Uluwa kutokana na yale yote wanayomshirikisha. Haulizwi kwa yale Anayoyafanya, lakini wao wataulizwa. Na nashuhudia kwamba bwana wetu na Nabiy wetu Muhammad ni Mja Wake na Rasuli Wake; Alimtuma kwa mwongozo na Dini ya haki ili Aishindishe juu ya dini zote, japo watakirihika washirikina (صلى الله عليه وآله وسلم), na juu ya ahli zake na Swahaba zake ambao walihukumu kwa haki na kwayo walikuwa wakihukumu kiadilifu; na juu ya waliowafuata kwa wema mpaka Siku ya Malipo, ambao hawapotoki kuiacha Sunnah wala hawageuki kando; bali wanaifuata nyayo zake na wanashikamana nayo, kwa ajili yake wanafanya urafiki na uadui, wanasimama pale inaposimama, wanaitetea na kuipigania; na juu ya wote waliofuata njia yao na wakafuata nyayo zao mpaka Siku watakayofufuliwa.
أما بعد:
Ama baada ya hayo:
فهذا مختصر جليل نافع، عظيم الفائدة جمٌّ المنافع، يشتمل على قواعد الدين، ويتضمن أصول التوحيد الذي دعت إليه الرسل، وأنزلت به الكتب ولا نجاة لمن بغيره يدين، ويدل ويرشد إلى سلوك المحجة البيضاء ومنهج الحق المستبين، شرحت فيه أمور الإيمان وخصاله وما يزيل جميعه أو ينافي كماله، وذكرت فيه كل مسألة مصحوبة بدليلها، ليتضح أمرها وتتجلّى حقيقتها ويبيّن سبيلها، واقتصرت فيه على مذهب أهل السنة والإتباع، وأهملت أقوال أهل الأهواء والابتداع، إذ هي لا تذكر إلا للرد عليها، وإرسال سهام السنة عليها، وقد تصدى لكشف عوارها الأئمة الأجلاء، وصنفوا في ردّها وإبعادها المصنفات المستقلة مع أن الضد يُعرف بضدّه ويخرج بتعريف ضابطه وحده، فإذا طلعت الشمس لم يفتقر النهار إلى استدلال، وإذا استبان الحق واتضح فما بعده إلا الضلال، ورتبته على طريق السؤال ليستيقظ الطالب وينتبه، ثم أُردفه بالجواب الذي يتضح الأمر به ولا يشتبه، وسميته (أعلام السنة المنشورة، لاعتقاد الطائفة الناجية المنصورة) والله أسأل أن يجعله ابتغاء وجهه الأعلى وأن ينفعنا بما علمنا ويعلمنا ما ينفعنا نعمة منه وفضلاً، إنه على كل شيء قدير وبعباده لطيف خبير، وإليه المرجعُ والمصير وهو مولانا فنعمَ المولى ونعمَ النصير.
Huu ni muhtasari adhimu wenye manufaa, wenye faida kubwa na manufaa mengi. Unakusanya kanuni za Dini, na unabeba misingi ya Tawhiyd (Kumpwekesha Allaah) ambayo Rusuli waliilingania na kwayo Vitabu viliteremshwa, na hakuna kuokoka kwa yule anayeshika dini isiyokuwa hiyo. Unaonyesha na kuongoza katika kuifuata njia nyeupe iliyo wazi, na mwenendo wa haki ulio bayana. Nimeeleza humo mambo ya imaan na sifa zake, na yale yanayoiondosha yote au yanayopingana na ukamilifu wake. Na nimetaja humo kila suala pamoja na dalili yake, ili jambo lake liwe wazi, uhakika wake udhihirike na njia yake ibainike. Nimejifunga humo katika madh-hab (mwenendo) ya Ahlus-Sunnah (watu wa Sunnah) na wa kufuata, na nimeziacha kauli za watu wa matamanio na uzushi, kwa kuwa kauli hizo hazitajwi isipokuwa kwa ajili ya kuzijibu na kuzitupia mishale ya Sunnah. Na Imaam watukufu wamesimama kufichua kasoro zake, na wametunga vitabu maalumu vinavyojitegemea katika kuzijibu na kuziweka mbali; ingawa kitu hutambulika kwa kinyume chake, na hutoka nje kwa kuelezwa kipimo chake na mpaka wake. Basi jua linapochomoza, mchana hauhitaji dalili; na haki inapobainika na kuwa wazi, basi hakuna baada yake isipokuwa upotofu. Nimeupanga kwa njia ya swali ili mwanafunzi azinduke na awe makini, kisha nikalifuatisha kwa jibu ambalo kwalo jambo linakuwa wazi bila ya kutatanisha. Na nimeuita: A‘laam As-Sunnah Al-Manshuwrah, Li-‘tiqaad At-Twaaifah An-Naajiyah Al-Manswuurah (Bendera Za Sunnah Zilizopeperushwa, Kwa ‘Aqiydah Ya Kundi Lililookoka, Lililonusuriwa). Na Allaah ninamuomba Aujaalie uwe kwa ajili ya kutaka Wajihi Wake Ulio Juu kabisa, na Atunufaishe kwa yale Aliyotufunza na Atufunze yale yanayotunufaisha, ikiwa ni neema na fadhila kutoka Kwake. Hakika Yeye juu ya kila kitu Ni Muweza, na kwa Waja Wake Ni Mwenye Kudabiri mambo kwa Ulatifu, Mjuzi wa Khabari za dhahiri na siri. Na Kwake Pekee ndio marejeo na mahali pa kuishia, Naye Ndiye Mawlaa wetu; Mawlaa Mzuri Alioje, na Mnusuruji Mzuri Alioje!