01-Buluwgh Al-Maraam: Kitabu Cha Swalaah: Mlango Nyakati Za Swalaah

 

بُلُوغُ الْمَرام

Buluwgh Al-Maraam

كِتَابُ اَلصَّلَاةِ

Kitabu cha Swalaah

بَابُ اَلْمَوَاقِيتِ

Mlango Nyakati Za Swalaah

 

 

 

127.

عَنْ عَبْدِ اَللَّهِ بْنِ عَمْرِوٍ رَضِيَ اَللَّهُ عَنْهُمَا‏ ، أَنَّ نَبِيَّ اَللَّهِ ‏ صلى الله عليه وسلم  قَالَ: {وَقْتُ اَلظُّهْرِ إِذَا زَالَتْ اَلشَّمْسُ‏،  وَكَانَ ظِلُّ اَلرَّجُلِ كَطُولِهِ  مَا لَمْ يَحْضُرْ اَلْعَصْرُ‏،  وَوَقْتُ اَلْعَصْرِ مَا لَمْ تَصْفَرَّ اَلشَّمْسُ‏،  وَوَقْتُ صَلَاةِ اَلْمَغْرِبِ مَا لَمْ يَغِبْ اَلشَّفَقُ‏،  وَوَقْتُ صَلَاةِ اَلْعِشَاءِ إِلَى نِصْفِ اَللَّيْلِ اَلْأَوْسَطِ‏،  وَوَقْتُ صَلَاةِ اَلصُّبْحِ مِنْ طُلُوعِ اَلْفَجْرِ مَا لَمْ تَطْلُعْ اَلشَّمْسُ}  رَوَاهُ مُسْلِمٌ

وَلَهُ مِنْ حَدِيثِ بُرَيْدَةَ فِي اَلْعَصْرِ: {وَالشَّمْسُ بَيْضَاءُ نَقِيَّةٌ}

وَمِنْ حَدِيثِ أَبِي مُوسَى: {وَالشَّمْسُ مُرْتَفِعَةٌ}

Kutoka kwa ‘Abdullaah bin ‘Umar (رَضِيَ اللهُ عَنْهُمَا) amesema: Nabiy (صَلَّى اللهُ عَلَيْهِ وَآلِهِ وَسَلَّمْ) amesema: “Wakati wa Swalaah ya Adhuhuri ni jua linapopinduka (meridani) na kivuli cha mtu kuwa kama urefu wake, madamu haujaingia wakati wa Swalaah ya Alasiri. Wakati wa Swalaah ya Alasiri ni muda jua halijawa njano (machweo). Wakati wa Swalaah ya Magharibi (machweo) ni katika wakati wa mawingu hayajapotea. Wakati wa Swalaah ya ‘Ishaa hadi nusu ya usiku. Wakati wa Swalaah ya Alfajiri ni tangu kuchomoza Alfajiri mpaka wakati wa kuchomoza jua.” [Imetolewa na Muslim]

 

 

Buraydah amesema katika Hadiyth nyengine kuhusu Alasiri   kuwa: “Jua likiwa jeupe angavu.” [Imetolewa na Muslim]

 

 

Na Hadiyth ya Abuu Muwsaa amesema kuhusu wakati wa Swalaah ya Alasiri: “Wakati jua liko juu.” [Imetolewa na Muslim katika Hadiyth ndefu inayosema: “Kisha akamuamrisha akakimu Alasiri”]

 

 

 

128.

وَعَنْ أَبِي بَرْزَةَ الْأَسْلَمِيِّ رَضِيَ اللهُ عَنْهُ قَالَ: {كَانَ رَسُولُ اَللَّهِ ‏ صلى الله عليه وسلم  يُصَلِّيَ اَلْعَصْرَ‏، ثُمَّ يَرْجِعُ أَحَدُنَا إِلَى رَحْلِهِ  فِي أَقْصَى اَلْمَدِينَةِ  وَالشَّمْسُ حَيَّةٌ‏،  وَكَانَ يَسْتَحِبُّ أَنْ يُؤَخِّرَ مِنْ اَلْعِشَاءِ‏،  وَكَانَ يَكْرَهُ اَلنَّوْمَ قَبْلَهَا  وَالْحَدِيثَ بَعْدَهَا‏،  وَكَانَ يَنْفَتِلُ مِنْ صَلَاةِ اَلْغَدَاةِ حِينَ يَعْرِفُ اَلرَّجُلُ جَلِيسَهُ‏،  وَيَقْرَأُ بِالسِّتِّينَ إِلَى اَلْمِائَةِ}  مُتَّفَقٌ عَلَيْهِ 

وَعِنْدَهُمَا مِنْ حَدِيثِ جَابِرٍ: {وَالْعِشَاءَ أَحْيَانًا وَأَحْيَانًا: إِذَا رَآهُمْ اِجْتَمَعُوا عَجَّلَ‏، وَإِذَا رَآهُمْ أَبْطَئُوا أَخَّرَ‏،  وَالصُّبْحَ: كَانَ اَلنَّبِيَّ ‏ صلى الله عليه وسلم  يُصَلِّيهَا بِغَلَسٍ}  

وَلِمُسْلِمٍ مِنْ حَدِيثِ أَبِي مُوسَى: {فَأَقَامَ اَلْفَجْرَ حِينَ اِنْشَقَّ اَلْفَجْرُ‏، وَالنَّاسُ لَا يَكَادُ يَعْرِفُ بَعْضُهُمْ بَعْضًا}

Kutoka kwa Abuu Barzah Al-Aslamiy (رَضِيَ اللهُ عَنْهُ) amesema: “Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) alikuwa akiswali Swalaah ya Alasiri na baada ya Swalaah, mmoja wetu alirejea nyumbani kwake mwisho kabisa wa Madiynah na kufika wakati jua bado linang’aa, na alipenda kuichelewesha Swalaah ya ‘Ishaa, na hakupenda kulala usingizi kabla yake na kuzungumza baada yake. Na baada ya Swalaah ya Fajr alikuwa akitoka wakati mtu aliweza kumtambua mwenzie aliyekaa karibu naye, na alikuwa akisoma Aayah sitini hadi mia za Qur-aan katika Swalaah ya Fajr.” [Al-Bukhaariy, Muslim]

 

Kwao wawili (Al-Bukhaariy na Muslim) wamepokea Hadiyth ya Jaabir kuwa: “Nabiy (صَلَّى اللهُ عَلَيْهِ وَآلِهِ وَسَلَّمْ) alikuwa akiiwahisha Swalaah ya ‘Ishaa na mara nyingine akiichelewesha, kila alipowaona watu wamekusanyika ili kuswali ‘Ishaa, aliiswali mapema, na watu wakiwa wamechelewa, naye aliichelewesha. Swalaah ya Fajr aliiswali wakati bado kungali kiza.”

 

Muslim alimnukuu Abuu Muwsaa (رَضِيَ اللهُ عَنْهُ): “Nabiy (صَلَّى اللهُ عَلَيْهِ وَآلِهِ وَسَلَّمْ) alikuwa akiswali Fajr wakati wa kupambazuka ambapo watu hawakutambuana.”

 

 

 

129.

وَعَنْ رَافِعِ بْنِ خَدِيجٍ  رَضِيَ اللهُ عَنْهُ قَالَ: {كُنَّا نُصَلِّي اَلْمَغْرِبَ مَعَ اَلنَّبِيِّ ‏ صلى الله عليه وسلم  فَيَنْصَرِفُ أَحَدُنَا وَإِنَّهُ لَيُبْصِرُ مَوَاقِعَ نَبْلِهِ}  مُتَّفَقٌ عَلَيْهِ 

Kutoka kwa Raafi’ bin Khadiyj (رَضِيَ اللهُ عَنْهُ) amesema: Tulikuwa tukiswali Magharibi na Nabiy (صَلَّى اللهُ عَلَيْهِ وَآلِهِ وَسَلَّمْ) halafu mmoja wetu alitoka nje ya Msikiti akaweza kuona mahali mshale ulipoangukia.” [Al-Bukhaariy, Muslim]

 

 

 

130.

وَعَنْ عَائِشَةَ رَضِيَ اَللَّهُ عَنْهَا قَالَتْ: {أَعْتَمَ رَسُولُ اَللَّهِ ‏ صلى الله عليه وسلم  ذَاتَ لَيْلَةٍ بِالْعَشَاءِ‏،  حَتَّى ذَهَبَ عَامَّةُ اَللَّيْلِ‏،  ثُمَّ خَرَجَ‏، فَصَلَّى‏، وَقَالَ: "إِنَّهُ لَوَقْتُهَا لَوْلَا أَنْ أَشُقَّ عَلَى أُمَّتِي"}  رَوَاهُ مُسْلِمٌ

Kutoka kwa ‘Aaishah (رَضِيَ اللَّهُ عَنْهَا) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) alichelewesha Swalaah ya ‘Ishaa hadi sehemu kubwa ya usiku ilipopita, halafu akenda nje akaswali Swalaah ya ‘Ishaa akasema: “Huu ndio wakati wake ingekuwa siyo kuogopea mashaka kwa Ummah wangu.” [Imetolewa na Muslim]

 

 

 

131.

وَعَنْ أَبِي هُرَيْرَةَ  رَضِيَ اللهُ عَنْهُ  قَالَ: قَالَ رَسُولُ اَللَّهِ ‏ صلى الله عليه وسلم   {إِذَا اِشْتَدَّ اَلْحَرُّ فَأَبْرِدُوا بِالصَّلَاةِ‏، فَإِنَّ شِدَّةَ اَلْحَرِّ مِنْ فَيْحِ جَهَنَّمَ}  مُتَّفَقٌ عَلَيْهِ 

Kutoka kwa Abuu Hurayrah (رَضِيَ اللهُ عَنْهُ) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Joto likiwa kali lipoze kwa Swalaah kwani ukali wa joto hutoka kwenye pumzi ya Jahannam.” [Al-Bukhaariy, Muslim]

 

 

 

132.

وَعَنْ رَافِعِ بْنِ خَدِيجٍ رَضِيَ اللهُ عَنْهُ  قَالَ: قَالَ رَسُولُ اَللَّهِ ‏ صلى الله عليه وسلم   {أَصْبِحُوا بِالصُّبْحِ فَإِنَّهُ أَعْظَمُ لِأُجُورِكُمْ}  رَوَاهُ اَلْخَمْسَةُ‏، وَصَحَّحَهُ اَلتِّرْمِذِيُّ‏، وَابْنُ حِبَّانَ

 

Kutoka kwa Raafi’ bin Khadiyj (رَضِيَ اللهُ عَنْهُ) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Pambazukeni kwa Swalaah ya Alfajiri kwani hiyo ndio kubwa zaidi kwa ujira wenu.” [Imetolewa na Al-Khamsah na wakaipa daraja la Swahiyh At-Tirmidhiy na Ibn Hibbaan] 

 

 

 

133.

وَعَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اَللَّهِ ‏ صلى الله عليه وسلم قَالَ: {مَنْ أَدْرَكَ مِنْ اَلصُّبْحِ رَكْعَةً قَبْلِ أَنْ تَطْلُعَ اَلشَّمْسُ فَقَدْ أَدْرَكَ اَلصُّبْحَ‏، وَمَنْ أَدْرَكَ رَكْعَةً مِنْ اَلْعَصْرِ قَبْلَ أَنْ تَغْرُبَ اَلشَّمْسُ فَقَدْ أَدْرَكَ اَلْعَصْرَ} مُتَّفَقٌ عَلَيْهِ 

وَلِمُسْلِمٍ عَنْ عَائِشَةَ نَحْوَهُ‏، وَقَالَ: "سَجْدَةً" بَدَلَ "رَكْعَةً". ثُمَّ قَالَ: وَالسَّجْدَةُ إِنَّمَا هِيَ اَلرَّكْعَةُ

Kutoka kwa Abuu Hurayrah (رَضِيَ اللهُ عَنْهُ) amesema kuwa Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Mwenye kuipata Rakaa moja ya Swalaah ya Alfajiri kabla jua halijachomoza, anakuwa ameipata Swalaah ya Alfajiri kwa wakati wake, na mtu anayeswali Rakaa ya Alasiri kabla ya jua halijatua anakuwa ameipata Swalaah ya Alasiri.” [Al-Bukhaariy, Muslim]

 

Na katika Muslim alipokea masimulizi kama hayo kutoka kwa ‘Aaishah (رَضِيَ اللَّهُ عَنْهَا) na amesema: “Sajdah badala ya Rakaa.” Kisha amesema: “Sajdah inaashiria Rakaa.”

 

 

 

134.

وَعَنْ أَبِي سَعِيدٍ اَلْخُدْرِيِّ رَضِيَ اللهُ عَنْهُ  قَالَ: سَمِعْتَ رَسُولَ اَللَّهِ ‏ صلى الله عليه وسلم  يَقُولُ: {لَا صَلَاةَ بَعْدَ اَلصُّبْحِ حَتَّى تَطْلُعَ اَلشَّمْسُ وَلَا صَلَاةَ بَعْدَ اَلْعَصْرِ حَتَّى تَغِيبَ اَلشَّمْسُ}  مُتَّفَقٌ عَلَيْهِ

وَلَفْظُ مُسْلِمٍ: {لَا صَلَاةَ بَعْدَ صَلَاةِ اَلْفَجْرِ}  

وَلَهُ عَنْ عُقْبَةَ بْنِ عَامِرٍ: {ثَلَاثُ سَاعَاتٍ كَانَ رَسُولُ اَللَّهِ ‏ صلى الله عليه وسلم  يَنْهَانَا أَنْ نُصَلِّي فِيهِنَّ‏، وَأَنْ  نَقْبُرَ فِيهِنَّ مَوْتَانَا: حِينَ تَطْلُعُ اَلشَّمْسُ بَازِغَةً حَتَّى تَرْتَفِعَ‏، وَحِينَ يَقُومُ قَائِمُ اَلظَّهِيرَةِ حَتَّى تَزُولَ   اَلشَّمْسُ‏، وَحِينَ تَتَضَيَّفُ  اَلشَّمْسُ لِلْغُرُوبِ}  

وَالْحُكْمُ اَلثَّانِي عِنْدَ "اَلشَّافِعِيِّ" مِنْ:

حَدِيثِ أَبِي هُرَيْرَةَ بِسَنَدٍ ضَعِيفٍ. وَزَادَ: {إِلَّا يَوْمَ اَلْجُمْعَةِ} 

وَكَذَا لِأَبِي دَاوُدَ: عَنْ أَبِي قَتَادَةَ نَحْوُهُ 

Kutoka kwa Abuu Sa’iyd Al Khudriyy (رَضِيَ اللهُ عَنْهُ) amesema nimemsikia Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) akisema: “Hakuna Swalaah baada ya Swalaah ya Alfajiri hadi jua kuchomoza, wala hakuna Swalaah baada ya Swalaah ya Alasiri hadi jua lizame.” [Al-Bukhaariy, Muslim]

 

Na tamshi la Muslim amesema: “Hakuna Swalaah baada ya Swalaah ya Alfajiri.”

 

Na Muslim amenukuu Hadiyth ya ‘Uqbah bin ‘Aamir kuwa: “Nyakati tatu ambazo Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) alitukataza kuswali wala kuzika wafu wetu: (a) Wakati wa kuchomoza jua mpaka lipae. (b) Wakati jua liko juu kati kati hadi lipinduke. (c) Wakati jua linakaribia kuzama (kuingia Magharibi).”

 

Hukmu ya pili kwa Ash-Shaafi’ inatokana na Hadiyth ya Abuu Hurayrah (رَضِيَ اللهُ عَنْهُ) kwa Isnaad dhaifu, akaongezea: “Isipokuwa siku ya Ijumaa.” Kadhalika Abuu Daawuwd alisimulia hivyo kutoka kwa Abuu Qataadah.

 

 

 

135.

وَعَنْ جُبَيْرِ بْنِ مُطْعِمٍ رَضِيَ اللهُ عَنْهُ  قَالَ: قَالَ رَسُولُ اَللَّهِ ‏ صلى الله عليه وسلم   {يَا بَنِي عَبْدِ مَنَافٍ‏، لَا تَمْنَعُوا أَحَدًا طَافَ بِهَذَا اَلْبَيْتِ وَصَلَّى أَيَّةَ سَاعَةٍ شَاءَ مِنْ لَيْلٍ أَوْ نَهَارٍ}  رَوَاهُ اَلْخَمْسَةُ‏، وَصَحَّحَهُ اَلتِّرْمِذِيُّ‏، وَابْنُ حِبَّانَ 

Kutoka kwa Jubayr bin Mutw’im (رَضِيَ اللهُ عَنْهُ) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Enyi Baniy ‘Abdil-Manaaf, msimzuie yeyote kutufu Nyumba (Al-Ka’bah) hii na akaswali saa yoyote anayotaka, usiku au mchana.” [Imetolewa na Al-Khamsah, na wakaisahihisha At-Tirmidhiy na Ibn Hibbaan]

 

 

 

136.

وَعَنْ اِبْنِ عُمَرَ رَضِيَ اَللَّهُ عَنْهُمَا‏، عَنْ اَلنَّبِيِّ ‏ صلى الله عليه وسلم  قَالَ: {اَلشَّفَقُ اَلْحُمْرَةُ}  رَوَاهُ اَلدَّارَقُطْنِيُّ وَصَحَّحَ اِبْنُ خُزَيْمَةَ وَغَيْرُهُ وَقْفَهُ 

Kutoka kwa Ibn ‘Umar (رَضِيَ اللهُ عَنْهُمَا) amesema kuwa Nabiy (صَلَّى اللهُ عَلَيْهِ وَآلِهِ وَسَلَّمْ) amesema: “Mawingu (ya machweo ya jua) ni wekundu.” [Imetolewa na Ad-Daaruqutwniy, na akaisahihisha Ibn Khuzaymah, na wengine waliipa daraja la Mawquwf]

 

 

 

137.

وَعَنْ اِبْنِ عَبَّاسٍ رَضِيَ اَللَّهُ عَنْهُمَا قَالَ: قَالَ رَسُولُ اَللَّهِ ‏ صلى الله عليه وسلم  {اَلْفَجْرُ فَجْرَانِ: فَجْرٌ يُحَرِّمُ اَلطَّعَامَ وَتَحِلُّ فِيهِ اَلصَّلَاةُ‏، وَفَجْرٌ تَحْرُمُ فِيهِ اَلصَّلَاةُ ‏ أَيْ: صَلَاةُ اَلصُّبْحِ ‏ وَيَحِلَّ فِيهِ اَلطَّعَامُ}  رَوَاهُ اِبْنُ خُزَيْمَةَ‏، وَالْحَاكِمُ‏، وَصَحَّحَاهُ 

وَلِلْحَاكِمِ فِي حَدِيثِ جَابِرٍ رَضِيَ اللهُ عَنْهُ  نَحْوُهُ‏، وَزَادَ فِي اَلَّذِي يُحَرِّمُ اَلطَّعَامَ: {إِنَّهُ يَذْهَبُ مُسْتَطِيلاً فِي اَلْأُفُقِ}  وَفِي اَلْآخَرِ: {إِنَّهُ كَذَنَبِ اَلسِّرْحَان}

Kutoka kwa Ibn ‘Abbaas (رَضِيَ اللهُ عَنْهُمَا) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Alfajiri ni Alfajiri mbili: Alfajiri moja inaharamisha chakula na inahalalisha Swalaah, na Alfajiri nyingine inaharamisha kuswali ndani yake: yaani Swalaah ya Alfajiri wakati huo chakula kinakuwa halali.” [Imetolewa na Ibn Khuzaymah na Al-Haakim aliyeisahihisha]

 

Na Al-Haakim alipokea Hadiyth ya Jaabir mfano wake, na ikaongeza katika ambayo inaharamisha kula: “Kumesambaa sana katika pambizo upeo.”

 

Na katika nyingine amesema: “Ni kama mkia wa mbwa.”

 

 

 

138.

وَعَنْ اِبْنِ مَسْعُودٍ رَضِيَ اللهُ عَنْهُ  قَالَ: قَالَ رَسُولُ اَللَّهِ ‏ صلى الله عليه وسلم   {أَفْضَلُ اَلْأَعْمَالِ اَلصَّلَاةُ فِي أَوَّلِ وَقْتِهَا}  رَوَاهُ اَلتِّرْمِذِيُّ‏، وَالْحَاكِمُ. وَصَحَّحَاهُ   .

وَأَصْلُهُ فِي "اَلصَّحِيحَيْنِ

Kutoka kwa Ibn Mas’uwd (رَضِيَ اللهُ عَنْهُ) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Amali bora kabisa ni Swalaah mwanzo wa wakati wake.” [Imetolewa na At-Tirmidhiy na Al-Haakim aliyeisahihisha] na chanzo chake ni katika Swahiyh mbili.

 

 

 

139.

وَعَنْ أَبِي مَحْذُورَةَ رَضِيَ اللهُ عَنْهُ  أَنَّ اَلنَّبِيَّ ‏ صلى الله عليه وسلم  قَالَ: {أَوَّلُ اَلْوَقْتِ رِضْوَانُ اَللَّهُ‏، وَأَوْسَطُهُ رَحْمَةُ اَللَّهِ‏ ، وَآخِرُهُ عَفْوُ اَللَّهِ}  أَخْرَجَهُ اَلدَّارَقُطْنِيُّ بِسَنَدٍ ضَعِيفٍ جِدًّا 

وَلِلتِّرْمِذِيِّ مِنْ حَدِيثِ اِبْنِ عُمَرَ نَحْوُهُ‏، دُونَ اَلْأَوْسَطِ‏، وَهُوَ ضَعِيفٌ أَيْضًا 

Kutoka kwa Abuu Mahdhuwrah (رَضِيَ اللهُ عَنْهُ) amesema kuwa Nabiy (صَلَّى اللهُ عَلَيْهِ وَآلِهِ وَسَلَّمْ) amesema: “Wakati wa mwanzo ni radhi ya Allaah, wa katikati yake ni wa Rahmah za Allaah, na wa mwisho wake ni msamaha wa Allaah.” [Imetolewa na Ad-Daaruqutwniy kwa Isnaad dhaifu sana]

 

Na At-Tirmidhiy alisimulia hivyo hivyo, na kutokana na Hadiyth ya Ibn ‘Umar, bila kutaja wakati wa kati na kati. [Hii Hadiyth pia ni dhaifu]

 

 

 

140.

وَعَنْ اِبْنِ عُمَرَ رَضِيَ اَللَّهُ عَنْهُمَا أَنَّ رَسُولَ اَللَّهِ ‏ صلى الله عليه وسلم  قَالَ: {لَا صَلَاةَ بَعْدَ اَلْفَجْرِ إِلَّا سَجْدَتَيْنِ}  أَخْرَجَهُ اَلْخَمْسَةُ‏، إِلَّا النَّسَائِيُّ 

وَفِي رِوَايَةِ عَبْدِ اَلرَّزَّاقِ: {لَا صَلَاةَ بَعْدَ طُلُوعِ اَلْفَجْرِ إِلَّا رَكْعَتَيْ اَلْفَجْرِ}

وَمِثْلُهُ لِلدَّارَقُطْنِيّ عَنْ اِبْنِ عَمْرِوِ بْنِ اَلْعَاصِ 

Kutoka kwa Ibn ‘Umar (رَضِيَ اللهُ عَنْهُمَا) amesema Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) amesema: “Hakuna Swalaah baada ya Alfajiri isipokuwa sajdah mbili (Rakaa mbili za Alfajr).” [Imetolewa na Al-Khamsah isipokuwa An-Nasaaiy]

 

 

Katika Riwaayah nyingine ‘Abdur-Razzaaq pia alisimulia: “Hakuna Swalaah baada ya kupambazuka Alfajiri isipokuwa Rakaa mbili za Sunnah ya Alfajiri.”

 

Mfano wa Hadiyth hiyo imepokewa na Ad-Daaruqutwniy kutoka kwa ‘Amr bin Al-‘Aasw.

 

 

 

141.

وَعَنْ أَمْ سَلَمَةَ رَضِيَ اَللَّهُ عَنْهَا قَالَتْ: {صَلَّى رَسُولُ اَللَّهِ ‏ صلى الله عليه وسلم اَلْعَصْرَ‏، ثُمَّ دَخَلَ بَيْتِي‏، فَصَلَّى رَكْعَتَيْنِ‏، فَسَأَلْتُهُ‏، فَقَالَ: "شُغِلْتُ عَنْ رَكْعَتَيْنِ بَعْدَ اَلظُّهْرِ‏، فَصَلَّيْتُهُمَا اَلْآنَ"‏، قُلْتُ: أَفَنَقْضِيهِمَا إِذَا فَاتَتْنَا‏ ؟ قَالَ: "لَا"} أَخْرَجَهُ أَحْمَدُ 

وَلِأَبِي دَاوُدَ عَنْ عَائِشَةَ بِمَعْنَاهُ

Kutoka kwa Ummu Salamah (رَضِيَ اللَّهُ عَنْهَا) amesema, Rasuli wa Allaah (صَلَّى اللهُ عَلَيْهِ وَآلِهِ وَسَلَّمْ) aliswali Alasiri, kisha akaja nyumbani kwangu, akaswali Rakaa mbili, halafu nikamuuliza juu ya hizo, naye akasema: “Nilishughulishwa na Rakaa mbili za Sunnah baada ya Swalaah ya Adhuhuri, kwa hivyo nimeziswali sasa.” Nikasema: Tuzilipe tukizikosa? Akasema: “Hapana.” [metolewa na Ahmad]

Naye Abuu Daawuwd amepokea Hadiyth ya ‘Aaishah (رَضِيَ اللَّهُ عَنْهَا) yenye maana sawa na hiyo.

 

 

Share