Tunaitafsiri Vipi ‘Anayeua Naye Auawe’ Ikiwa Allaah Ndiye Anayepanga Kifo, Je, Anapouawa Mtu Huwa Kapunguziwa Muda Wa Kuishi?

SWALI:

 

Aslm alkm

 

Je m'mungu hupanga Muda wa Kifo? Je mtu anapouwawa anakuwa amempungzia muda wa kuishi? Na kama hapana kwa nini wanasema anayeua nae auwawe?

 


 

 

 

JIBU:

 

Sifa zote njema Anastahiki Allaah Aliyetukuka Mola Mlezi wa walimwengu wote, Swalah na salamu zimshukie kipenzi chetu Mtume Muhammad (Swalla Allaahu ‘alayhi wa aalihi wa sallam) na Swahaba zake (Radhiya Allaahu ‘anhum) na watangu wema mpaka Siku ya Mwisho.

 

Shukrani kwa swali lako kuhusu kuuliwa anayeua.

Hii ni hukumu iliyotolewa na Allaah Aliyetukuka kwa waja Wake kwa maslahi yetu wenyewe.

 

Kufanya hivyo ni kuweka nidhamu ya kimaisha ili asione mtu anaweza kufanya lolote bila kuchukuliwa hatua. Hii inapunguza sana uhalifu na kuleta maslahi ya watu dunaini.

 

Na bila shaka Allaah Aliyetukuka Ambaye ndiye Mjuzi wa kila kitu pamoja na kujua muda wa mwanaadamu kuishi hapa duniani ndiye mwenye kuleta uhai na kifo, kwani Yeye ndiye Rabb. Allaah Aliyetukuka Anasema:

Ambaye Ameumba mauti na uhai ili kukujaribuni ni nani miongoni mwenu mwenye vitendo vizuri zaidi. Na Yeye ni Mwenye nguvu na Mwenye msamaha” (al-Mulk [67]: 2).

 

Na Anasema pia,

Hakika kuijua Saa (ya Qiyaamah) kuko kwa Allaah. Na Yeye ndiye Anayeiteremsha mvua. Na Anavijua viliomo ndani ya matumbo ya uzazi. Na haijui nafsi yeyote itachuma nini kesho. Wala nafsi yeyote haijui itafia nchi gani. Hakika Allaah ndiye Mwenye kujua, Mwenye khabari” (Luqmaan [31]: 34).

Kwa hiyo, Allaah Aliyetukuka ndiye mwenye kupanga muda na mahali pa kufia mwanaadamu.

 

Mtu anapouawa kwa sababu ya kuua, au kuuliwa katika vita au kuuawa kwa sababu nyengine yoyote ile ina maana ya kuwa muda wake wa kuishi umemalizika na sio kuwa muda umepunguzwa. Na anayesema kuwa mwenye kuua auawe ni Allaah Aliyetukuka sio mwengine.

 

Na Allaah Anajua zaidi

 

 

Share