Skip navigation.
Home kabah

017-Al-Baqarah 197: Hajj ni miezi maalumu. Na atakayekusudia kuhiji...

 أسْبابُ النُّزُول

Asbaabun-Nuzuwl

Sababu Za Kuteremshwa (Baadhi Ya Aayaat Za Qur-aan)

Imekusanywa na: Alhidaaya.com

 

 

017-Al-Baqarah Aayah: 197 Hajj ni miezi maalumu. Na atakayekusudia kuhiji…

 

الْحَجُّ أَشْهُرٌ مَّعْلُومَاتٌ ۚ فَمَن فَرَضَ فِيهِنَّ الْحَجَّ فَلَا رَفَثَ وَلَا فُسُوقَ وَلَا جِدَالَ فِي الْحَجِّ ۗ وَمَا تَفْعَلُوا مِنْ خَيْرٍ يَعْلَمْهُ اللَّـهُ ۗ وَتَزَوَّدُوا فَإِنَّ خَيْرَ الزَّادِ التَّقْوَىٰ ۚ وَاتَّقُونِ يَا أُولِي الْأَلْبَابِ ﴿١٩٧﴾

197. Hajj ni miezi maalumu. Na atakayekusudia kuhiji (akahirimia), basi asifanye tendo la ndoa wala ufasiki wala mabishano katika Hajj. Na lolote mlifanyalo katika ya khayr Allaah Analijua. Na chukueni masurufu. Na hakika bora ya masurufu ni taqwa. Na nicheni Mimi enyi wenye akili!

 

 

Sababun-Nuzuwl:  

 

Sababu ya kuteremka kauli ya Allaah: “Na chukueni masurufu. Na hakika bora ya masurufu ni taqwa.”; Walikuwa watu wa Yemen wakienda Hajj hawachukui matumizi ya njiani na hatimae wanasema: “Sisi ni wenye kutawakali kwa Allaah.” Na wakiingia Makkah wakawa wanaanza kuombaomba watu. Hapo ikateremka Aayah. [Al-Bukhaariy kutoka kwa ‘Ibn ‘Abbaas (رضي الله عنهما)].

 

Hadiyth kama ilivyothibiti:

 

عنِ ابْنِ عَبَّاسٍ رضى الله عنهما قَالَ:  كَانَ أَهْلُ الْيَمَنِ يَحُجُّونَ وَلاَ يَتَزَوَّدُونَ وَيَقُولُونَ نَحْنُ الْمُتَوَكِّلُونَ، فَإِذَا قَدِمُوا مَكَّةَ سَأَلُوا النَّاسَ، فَأَنْزَلَ اللَّهُ تَعَالَى: ((‏وَتَزَوَّدُوا فَإِنَّ خَيْرَ الزَّادِ التَّقْوَى‏))

Imepokelewa kutoka kwa Ibn ‘Abbaas (رضي الله عنهما) kwamba: Watu wa Yemen walikuwa wanapokuja Hajj hawakuwa wakichukua masurufu ya kuwatosheleza kwa kuwa walikuwa wakisema: “Sisi tunatawakali kwa Allaah.” Lakini wanapofika Makkah walikuwa wakiomba watu. Allaah تعالى Akateremsha: Na chukueni masurufu. Na hakika bora ya masurufu ni taqwa.” [Al-Bukhaariy katika Kitaab Al-Hajj, na Sunan Abiy Daawuwd Kitaab Al-Manaasik]

 

 

 

 

 

Rudi Juu