Kumwita Shekhe Nyumbani Asome Khitma Inafaa?

SWALI:

 

Kumwita shekhe kusoma hitma nyumbani kwako na kumlipa je hiyo inaruhusiwa? Naomba mnisaidie kwa maswali hayo tafadhali.

 

shukrani.


 

JIBU:

 

Sifa zote njema Anastahiki Allaah Aliyetukuka Mola Mlezi wa walimwengu wote, Swalah na salamu zimshukie kipenzi chetu Mtume Muhammad (Swalla Allaahu ‘Alayhi wa aalihi wa sallam) na Swahaba zake (Radhiya Allaahu ‘anhum) na watangu wema mpaka Siku ya Mwisho.

 

Shukrani zetu za dhati kwa swali lako kuhusu kumuita shaykh aje asome khitmah nyumbani kwako. Haikupatikana kwa Mtume (Swalla Allaahu ‘Alayhi wa aalihi wa sallam) wala waliomfuata katika watangu wema ambao walikuwa wanakwenda majumbani kusoma khitmah.

 

Khitmah mwanzo ni kuhitimisha Qur-aan na linalofaa ni wewe mwenyewe kusoma Qur-aan kuanzia mwanzo mpaka umalize, yaani kuanzia Suratul Faatihah hadi Suratun Naas. Unapomaliza msahafu wote ndio inakuwa umehitimisha Qur-aan. Mara zote mwanzo tunapowaita mashaykh kufanya hivyo huwa hatuhitimishi bali ni danganya toto.

 

Qur-aan inatakiwa uisome mwenyewe, jaribu kuifahamu na ufuate maagizo yaliyo ndani yake.

 

 

Bonyeza viungo vifuatavyo upate maelezo zaidi:

 

 

Kumsomea Khitmah Maiti, Kumchinjia Na Kumuombea Duaa Kwa Pamoja

 

Khitmah Kutokufaa Na Madhara Yake

 

Kusoma Khitma Inafaa?

 

 

Na Allaah Anajua zaidi.

 

Share