Mkate Wa Shimari Na Zabibu
Vipimo
Unga wa ngano 2 ½ Vikombe Vya chai
Siagi 3 vijiko vya supu
Chumvi 1 kijiko cha chai
Sukari 1 kijiko cha supu
Hamira 1 ½ vijiko vya chai
Bizari tamu (Shimari) 1 kijiko
Zabibu kiasi ukipenda
Yai 1
Rangi ya manjano kidogo tu
Baking powder 1 kijiko cha chai
Maziwa 1 kikombe cha chai
Namna Ya Kutayarisha Na Kupika
- Tia vitu vyote pamoja isipokuwa zabibu utatia kisha kanda.
- Kisha tia maziwa kidogo kidogo na huku ukikanda mpaka uwe laini kidogo utakuwa unashika.
- Halafu tia zabibu funika weka pembeni mpaka ufure (uumuke) kidogo.
- Kisha utauchanganya tena na utamimina kwenye sufuria na utautandaza kisha funika weka pembeni mpaka ufure zaidi.
- Halafu pakiza maziwa juu na choma kwenye oveni moto wa 350°c hadi iwive nakubadilika rangi juu.
- Epua na itakuwa tayari.