Mkate Wa Sinia/Kumimina Aina Ya 3

Mkate Wa Sinia/Kumimina Aina Ya 3

Vipimo

Mchele - 2 vikombe vya chai

Maziwa - Kiasi

Sukari - 1 kikombe cha chai

Hamira - 1 kijiko cha chai

Ute wa mayai - 2 mayai

Tui la nazi - 1 na nusu kikombe cha chai

Hiliki - kiasi

Mafuta  (ya kupakia treya) - kiasi 

Namna Ya Kutayarisha Na Kupika 

1. Roweka mchele kwenye maji usiku kucha.
2. Chuja mchele kisha tia kwenye mashine ya kusagia (blender) usage pamoja na hamira, sukari, hiliki, maziwa na tui la nazi.  
3. Mimina ndani ya bakuli na ufinike. Weka mahali penye joto ili mchanganyiko uumuke(ufure).
4. Kisha tia ute wa yai koroga vizuri .
5. Paka mafuta kwenye treya au sufuria ya kuchomea kisha mimina mchanganyiko wa mchele .
6. Choma (Bake) kwenye oveni kwa moto wa 350°C kwa dakika 30-45,  kisha weka moto wa juu (grill) kama dakika 5-10 mpaka ubadike rangi kwa juu.
7. Utoe kisha ukate vipande pande ukishapoa weka kwenye sahani tayari kwa kuliwa.